بەخێربێی بۆ ئەکادیمیای جیهانی بۆ پەروەردەی دیجیتاڵی
Akademiya Global Perwerdekarê Dîjîtal (DEGA) destpêşxeriyek e Dibistana dîjîtalئەکادیمیای جیهانی بۆ پەروەردەی دیجیتاڵی (DEGA) دەستپێشخەرییەکی قوتابخانەی دیجیتاڵییە، بە دیدگای پەرەپێدانی کۆمەڵگەیەکی جیهانی لە مامۆستایانی دیجیتاڵی لێهاتوو و متمانەپێکراو.
DEGA بەرنامەی فێرکاری تایبەت بە مامۆستایان لە سەرانسەری جیهان دابین دەکات کە پێکهاتووە بۆ پەرەپێدانی لێهاتوویی و توانستیان لە فێرکردن و فێربوونی دیجیتاڵیدا. بە هاوبەشی لەگەڵ زانکۆی ویلایەتی ئەریزۆنا پەرەی پێدراوە، بەرنامەکانی پەرەپێدانی پیشەگەری لەگەڵ ستانداردە نیشتمانییەکان بۆ فێربوونی ئۆنلاین بە کوالیتی هاوتەریبن.
ئامانجمان پەرەپێدانی کۆمەڵگەیەکە لە پسپۆڕە پەروەردەییەکان، کە متمانە و لێهاتوویی و زانیارییان هەیە بۆ ئاسانکاری کردن بەشێوەیەکی کاریگەر بۆ خوێندنی دیجیتاڵی خود ئاڕاستەکراو بۆ قوتابیان، لە ڕێگەی شێوازەکانی گەیاندنی دوور و تێکەڵەوە، کە دەتوانن باشترین پراکتیزەکان هاوبەش بکەن و لەگەڵ هاوتەمەنەکانیان لە.ئاستێکی جیهانی لە ڕێگەی ئەپلیکەشنەکانەوە گفتوگۆبکەن، لە ڕێگەی ڕێبازەکانی تەکنەلۆجیاوە.
هەروەها ئامانجی DEGA کاریگەری لەسەر کۆمەڵگەی پەروەردەی جیهانی ببێت لە ڕێگەی سیستەمی کۆمپیوتەر و مۆدێلی نوێ، سەرکردایەتی بیرکردنەوە، دامەزراندنی ستانداردەکان، و لە ڕێگەی کاریگەریکردن لەسەر سیاسەت و دەستگەیشتنە نێودەوڵەتیەکان.
گرنگی پەرەپێدانی توانا دیجیتاڵییەکان
فێرکردن و فێربوونی کاریگەر کە لەلایەن تەکنەلۆژیاوە پشتگیری دەکرێت، توانای باشترکردنی کوالیتی و پەیوەندیدارێتی بە پەروەردە پێشکەش دەکات و توانای پشتگیریکردنی فێربوونی کەسی و کاریگەرترکردنی فێربوون بۆ هەمووان دابین دەکات. فێربوونی دیجیتاڵی کوالیتی بەرز و گشتگیر و توانای دەستگەیشتن پێی، ئەگەر بە بەڵگە پشتگیری بکرێت و بەسترێتەوە بە شێوازێکی وانەوتنەوەی ڕوون و سەلمێنراوەوە، دەتوانێت ژیانی ئەو کەسانە بگۆڕێت کە ناتوانن دەستیان بە خوێندنی ئاسایی بگات.
هەرچەندە تەکنەلۆجیا بۆ خۆی فێربوونی منداڵان ناگۆڕێت: زۆر گرنگە کە بەرنامەکانی گۆڕانکاری بە پشتیوانی تەکنەلۆجیا بە شێوەیەکی گشتگیر دابڕێژرێت و پێی بگەیەنرێت. هێشتا مامۆستایان بۆ سەرکەوتنی دەستپێشخەرییە پەروەردەییەکان زۆر گرنگن. کردارەکانی فێربوونی تێکەڵاوی کاریگەر بریتین لە بەکارهێنانی تەکنەلۆجیا شانبەشانی فێربوونی ڕووبەڕوو و کارلێککردن.
سەرکەوتن لە بەدەستهێنانی کاریگەرییە جیهانییەکان بۆ قوتابیان پەیوەستە بە پسپۆڕانی پەروەردەییەوە کە متمانە و لێهاتوویی و تەکنەلۆجیایان هەیە بۆ گەیاندنی پەروەردەی دیجیتاڵی بە کوالیتی. بنیاتنانی توانا و پەرەپێدانی بەردەوامی کارامەیی و لێهاتووییە دیجیتاڵییەکان لە هێزی کاری وانەوتنەوەدا هۆکارێکی سەرەکییە بۆ بەدەستهێنانی ئەو فێربوونە کاریگەرانە.
خولەکانی ئێستا
ئاستی ١: ناساندن – چۆن سیستەمی گەیاندنی تاقیکردنەوە لە سیستەمی بەڕێوەبردنی فێربووندا بەکاردێت
- سیستەمی بەڕێوەبردنی فێربوون چیە
- چۆن دەستمان بگات بە سیستەمی بەڕێوەبردنی فێربوون
- بەکارهێنانی سیستەمی بەڕێوەبردنی فێربوون بۆ پەرەپێدانی کارامەیی
- ئۆنڵاین، خودفێربوون ، تەواوکردنی بروانامە
- ئۆنڵاین، خودفێربوون ، تەواوکردنی بروانامە
ئاستی ٢: مامۆستای دیجیتاڵی – فێرکردن فێرکردن لە ژینگەیەکی ئۆنڵایندا
- بنچینەکانی خوێندنی دیجیتاڵی
- بەڕێوەبردنی پۆل
- فێرکاری گڕوپی بچوک و تەواو
- سەلامەتی ئەلیکترۆنی
- ئۆنڵاین، خودفێربوون ، تەواوکردنی بروانامە
ئاستی ٣: پشتگیریکردنی قوتابیانی دیجیتاڵی خودئاڕاستەکراو
- شێوازی وانەوتنەوە لە قوتابخانەی دیجیتاڵیدا
- پلاندانان
- فێرکردن
- هەڵسەنگاندن
- ئۆنڵاین، خودفێربوون ، تەواوکردنی بروانامە
دەربارەی قوتابخانەی دیجیتاڵی
قوتابخانەی دیجیتاڵی ئامانجی دروستکردنی ئامرازەکانە بۆ گەیشتن بە فێرخوازانی پەراوێزخراو و کەمخزمەتکراو، لە هەر شوێنێک بن، و بەبێ گوێدانە چوارچێوەیەک، بۆ دابینکردنی دەرفەتی فێربوونی کوالیتی و گەیاندنی ئەو زانیاری و کارامەیی و لێهاتووییانەی بۆئەوەی بتوانن لە کۆمەڵگەی سەدەی بیست و یەکەمدا گەشە بکەن و بەرەو داهاتوویەکی گەشتریان ببات.
قوتابخانەی دیجیتاڵی لەلایەن دەستپێشخەری جیهانی محمد بن راشد دامەزراوە، قوتابخانەیەکی جیهانی و یەکگرتووی ئۆنلاین و تێکەڵە و ئامانجی ئەوانەیە کە لە کۆمەڵگە پەراوێزخراوەکان و گەیشتنیان بە قوتابخانە سەختە: ئەو قوتابیانەی کە لەوانە نیە دەستگەیشتنێکی دادپەروەرانەیان لە دەرفەتە پەروەردەییەکان هەبووبێت، و ئەو کۆمەڵگایانەی کە ڕووبەڕووی ئاستەنگە پەروەردەیی و کۆمەڵایەتی - ئابووری و سیاسیەکان دەبنەوە.
قوتابخانەی دیجیتاڵی پێی وایە کە تێکەڵەیەک لە تەکنەلۆژیای پێشکەوتوو، شێوازی وانەوتنەوەی داهێنەرانە و پەرەپێدانی توانا ڕۆڵێکی سەرەکی دەگێڕێت لە پشتگیریکردن و ئاسانکاریکردنی مامۆستایان، قوتابیان و پرۆسەی فێربوون بە شێوەیەکی فراوانتر. دیدگایەکی هەیە بۆ جیهانێک کە مامۆستایان متمانەیان بەخۆیان هەبێت و لێهاتوو و هاندەریان هەبێت بۆ بەشداریکردنی قوتابیان لە فێربووندا، کە بۆ گەیاندنی زانیاریەکان تەکنەلۆژیای دیجیتاڵی بەهێزیان دەکات، هەروەها قوتابیان پەرە بە کارامەییەکانی ژیان دەدەن کە پێویستیان پێی دەبێت بۆ سەرفرازبوون، لەوانەش لایەنی کۆمەڵایەتی-سۆزداری و کارامەییە دیجیتاڵیەکان. ئەم دەرفەتە پەروەردەییانە کوالیتیەکەی مسۆگەرکراوە و سەلامەتە و دەتوانرێت هەمووان بەدەستی بهێنن و هەمووان دەستیان پێی بگات.
قوتابخانەی دیجیتاڵی ڕێبازێکی داهێنەرانەی بۆ فێرکردن و فێربوون پەرەپێداوە. شێوازی وانەوتنەوەکەی ئامانجی پەرەپێدانی تواناکانی فێربوون و خودئاراستەکراوی قوتابیانە لەڕێگەی تێکەڵکردنی کۆمەڵێک پراکتیکی فێربوونی دامەزراو، لەسەر بنەمای توێژینەوە، کە قوتابی سەنتەر بێت، لە بازنەیەکی فێربوون بە ڕوونی پێناسەکراو. ژێرخانی ئەو کە لە دەوری پلاتفۆرمی سەرەکی گەیاندنی قوتابخانەی دیجیتاڵی دروستکراوە، بە شێوەیەک پێکهاتووە کە بە تەواوی پشتگیری لەم مۆدێلە بکات و ئاسانکاری بۆ فێربوونی خودئاراستەکراوی قوتابیەکانمان بکات.
ڕێنیشاندەری پلاتفۆرمی DEGA
- لە داشبۆردەکەتدا دەتوانیت ئەو خولانە هەڵبژێریت کە یان ’ بەردەوامن‘ یان ’تەواوبوون‘، لەگەڵ هەر بڕوانامەیەک کە بەدەستت هێناوە، بە کلیک کردن لەسەر دوگمە پەیوەندیدارەکان.
- بۆ گەڕانەوە بۆ داشبۆردەکەت لە هەر کاتێکدا، دەتوانیت لە لەلیستی سەرەوەی شاشەکەدا کلیک لە دوگمەی ’داشبۆرد‘بکەیت.
- بۆ بینین یان گۆڕینی وردەکارییەکانی ئەکاونتەکەت، لەوانە وشەی نهێنی، دەتوانیت کلیک لەسەر ئایکۆنە شینەکە بکەیت کە لە سەرەوەی لای ڕاستی شاشەکەدایە.
- لەبیرت بێت دەتوانیت زمانی لە لیستی پلاتفۆرمەکە بگۆڕیت بە کلیک کردن لەسەر ئایکۆنی (Lag) لە خوارەوەی شاشەکەدا. بەم شێوەیە بژاردەی زمانی عەرەبی و ئینگلیزی و ئیسپانی و فەرەنسیتان پێدەبەخشێت..